form one students

昨日到美術館排隊買入場券，有兩個外形甚似form one仔的男生在前(暫時把他們當作form one仔)。這兩個form one仔好得意，他們一直排隊一直表現興奮，蹦蹦跳跳。快要到售票處，他們留下來，細心看在旁的告示。原來告示內容是關於展覽內有裸體藝術品，未滿十八歲人士需由家長或老師陪同入內。於是，他們嘰哩咕嚕如何是好。

「無大人禾...咁買唔買飛？」

本來想自動請纓，不過，....

「不如我哋問吓嗰個人(藝術館工作人員)？」
「叔叔，我哋無大人一齊可唔可買飛？」
阿叔叔：「咁又無話唔得，不過最好唔夠十八歲就要有家長或大人一齊啦......」
兩個form one仔又自己嘰哩咕嚕。然後，多謝阿叔，一個箭步飛身上藝術館。

我以為兩個form one 仔離開了，後來在藝術展覽館入口見到他們。
「見到喇，你睇唔睇到？」
「我睇到...」
然後，好開心地離開。

其實，展廳內有很多學生，進去又無妨。